अमेरिकाको भ्रमणमा रहेका नेपालका वरिष्ठ पत्रकारद्वय तीर्थ कोइराला तथा जिवेन्द्र सिम्खडासंग डिसीका पत्रकारहरुले भेटघाट तथा अन्तरक्रिया गरेका छन् ।
नेपाली पत्रकार संघ (ईञ्जा)को आयोजनामा भएको कार्यक्रममा तीर्थ कोइराला तथा जिवेन्द्र सिम्खडाले आफ्ना भनाई राखेका थिए ।
कार्यक्रममा कान्तिपुरका संस्थापक सम्पादक तथा ईञ्जाका संरक्षक वरिष्ठ पत्रकार योगेश उपाध्याय, वरिष्ठ पत्रकार तीर्थ कोइराला ,वरिष्ठ पत्रकार जिवेन्द्र सिम्खडा, वरिष्ठ पत्रकार हरि अधिकारी, ईञ्जाका अध्यक्ष गुणराज लुइँटेल,नेजाका संस्थापक गिरिश पोखरेल, ईञ्जा प्रमुख संरक्षक राम चन्द्र खरेल, हाल बिबिसी नेपालीका पत्रकार फणिन्द्र दाहाल ,नेजा कार्यकारी समितिका बाबुराम खरेल लगायत अन्य पत्रकारहरुको उपस्थिति रहेको थियो । कार्यक्रमको समन्वय ईञ्जाका उप सभापति सुनिल मणि दाहालले गरेका थिए ।
